Օգոստոսյան պատերազմը, համաշխարհային տնտեսական ճգնաժամը, գազի շուրջ Մոսկվայի եւ Կիեւի հակամարտությունը ազդել են Եվրամիության «Արեւելյան գործընկերների» վրա։ Եվ այդ երկրներում բարեփոխումների իրականացման ընթացքը՝ դանդաղել է։ Հայաստանի կողմից Եվրոպական հարեւանություն քաղաքականության եւ «Արեւելյան գործընկերներ» նախաձեռնության իրագործման թեմայի շուրջ խոսելիս՝ այդ մասին ասել է Հայաստանում Եվրահանձնաժողովի առաքելության ղեկավար, դեսպան Ռաուլ դե Լուզենբերգերը։
«Հայաստանը իր վրա զգացել է անցյալ տարվա ռուս-վրացական պատերազմի եւ տնտեսական ճգնաժամի հետեւանքները։ Նրա վրա ազդել է նաեւ նախագահական ընտրությունների հետեւանքով ստեղծված ներքաղաքական ճգնաժամը։ Այս ամենը անդրադարձել է Եվրոպական հարեւանություն քաղաքականության ընթացքի վրա։ Միաժամանակ, Հայաստանը Թուրքիայի հետ երկխոսություն է սկսել։ Առաջընթաց է նկատվում նաեւ Լեռնային Ղարաբաղի հակամարտության կարգավորման հարցում։ Սակայն, մարտիմեկյան դեպքերից հետո ժողովրդականության եւ մարդու իրավունքների բնագավառներում իրավիճակները բարդանում են»,-ասել է Ռաուլը դե Լուզենբերգերը։
