ՊՊԾ աշխատակցի կողմից ընկերների հետ խոշոր չափերի անասնագողություններ կատարելու գործն ուղարկվեց դատարան:

Ըստ մեղադրանքի՝ Երեւան քաղաքի վարչության պարեկապահակետային ծառայությունում աշխատած Սամվել Դանիելյանը, նախնական համաձայնության գալով Ռուստամ Ջավոյանի, Անդրանիկ Խաչատրյանի և Էդվարդ Մելիքսեթյանի հետ, մի խումբ անձանց կազմում շինություն ապօրինի մուտք գործելու եղանակով կատարել է 19 դրվագ ուրիշի գույքի՝ մանր եղջերավոր անասունների, զգալի չափերով և 4 դրվագ ուրիշի գույքի խոշոր չափերով հափշտակություն:

Սամվել Դանիելյանին մեղադրանք է առաջադրվել 19 դրվագով՝ Քրեական օրենսգրքի 177-րդ հոդվածի 2-րդ մասի 1-ին եւ 3-րդ կետերով եւ 4 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ եւ 3-րդ կետերով, Անդրանիկ Խաչատրյանին՝ 19 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին եւ 3-րդ կետերով եւ 4 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ եւ 3-րդ կետերով, Էդվարդ Մելիքսեթյանին՝ 14 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին եւ 3-րդ կետերով եւ 4 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ եւ 3-րդ կետերով, Ռուստամ Ջավոյանին՝ 13 դրվագով՝ ՀՀ քրեական օրենսգրքի 177-րդ հոդվածի 2-րդ մասի 1-ին եւ 3-րդ կետերով եւ 3 դրվագով՝ 177-րդ հոդվածի 2-րդ մասի 1-ին, 2-րդ  եւ 3-րդ կետերով: Հետաքրքիր է, որ ոստիկանը ստորագրությամբ ազատ է արձակվել, իսկ մյուս երեքը կալանավորված են:

Գործը քննվելու է Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, դատավորն է Արթուր Մկրտչյանը: