Ամերիկացիների գրեթե կեսը (49%) համոզված է, որ ԱՄՆ դեսպանատունը չպետք է Թել-Ավիվից Երուսաղեմ տեղափոխվի: Այս մասին են վկայում CNN հեռուստաալիքի անցկացրած հարցման արդյունքները, փոխանցում է «Կոմերսանտ»-ը: Դիվանագիտական առաքելությունը տեղափոխելու ԱՄՆ նախագահ Դոնալդ Թրամփի նախաձեռնությանը կողմ է հանդես եկել քաղաքացիների 36%-ը:
Ըստ հարցման արդյունքների՝ ամերիկացիների երկու երրորդը կարծում է, որ Իսրայելա-պաղեստինյան հակամարտության մեջ ԱՄՆ-ն չպետք է որեւէ կողմ ստանձնի:
Այնուամենայնիվ, նրանցից, ովքեր նախընտրում են, որպեսզի ԱՄՆ-ն ընտրի հակամարտող կողմերից որեւէ մեկին, 24 %-ը նախապատվությունը տվել է Իսրայելին, իսկ 2%-ը՝ Պաղեստինին:
Հիշեցնենք, որ դեկտեմբերի 6-ին ԱՄՆ նախագահ Դոնալդ Թրամփը որոշում կայացրեց ԱՄՆ դեսպանության՝ Թել-Ավիվից Երուսաղեմ տեղափոխման մասին:
Հայաստանը ՄԱԿ ԳԱ-ում կողմ է քվեարկել Երուսաղեմի ճանաչումը դատապարտող բանաձեւին