ԱՄՆ Փենսիլվանիա նահանգի Էրի քաղաքում 2 օրվա ընթացքում 120 սանտիմետր բարձրությամբ ձյան շերտ է նստել, ինչը ռեկորդային ցուցանիշ է 1958 թվականից ի վեր, հաղորդում է «Ինտերֆաքս»-ը՝ վկայակոչելով Fox News-ը:
ԱՄՆ Ազգային օդերեւութաբանական ծառայության տվյալներով՝ երկուշաբթի օրը 86 սանտիմետր բարձրությամբ ձյան շերտ էր նստել, երեքշաբթի օրը՝ եւս մոտ 40 սանտիմետր:
Սա ռեկորդային ցուցանիշ է ամբողջ ԱՄՆ-ի համար 1958 թվականից ի, երբ Մորգանթաունում 110 սանտիմետր բարձրությամբ ձյան շերտ էր նստել:
Քաղաքի բնակիչներին խնդրել են տանը մնալ՝ մինչեւ ձյան տեղումները կդադարեն: Նահանգի ոստիկանությունը եւ տրանսպորտի վարչությունը վատ տեսանելիության պատճառով վարորդներին կոչ են արել խուսափել երթեւեկելուց: Չորեքշաբթի օրը քաղաքում նոր տեղումներ են սպասվում: