Կառավարությունը այսօրվա՝ դեկտեմբերի 28-ի նիստում «Դատա Քյուբ» ընկերությանը «Ալյանս» ազատ տնտեսական գոտում շահագործողի թույլտվություն տրամադրեց:
Հարցը ներկայացնող ՀՀ տնտեսական զարգացման եւ ներդրումների փոխնախարար Տիգրան Խաչատրյանն ասաց, որ Ընկերությունը նախատեսում է ազատ տնտեսական գոտում ստեղծել ժամանակակից տվյալների կենտրոն, ներդրումների ծավալը պետք է կազմի 50 մլն դոլար:
«Առաջին տարում կստեղծվեն 10 նոր աշխատատեղ՝ միջին 200 հազար դրամ աշխատավարձով, 5-րդ տարում աշխատատեղերի քանակը կգերազանցի 60-ը: Արտահանման ծավալները կկազմեն շուրջ 7,5 դոլար, իսկ 5-րդ տարում ավելի քան 25 մլն դոլար: Արտահանման ուղղություններն են լինելու ԱՄՆ, Անգլիա, Կիպրոս, Լատվիա, Վրաստան, Իսրայել, հետագայում նաեւ ԵՏՄ երկրներ»,-ընդգծեց փոխնախարարը: