Բաց մրցույթի արդյունքներով ՎԴՆԽ ԷՔՍՊՈ գոտու նորացման նախագծի ներդրողը «Տաշիր» ընկերությունների խումբն է դարձել, որի հիմնադիրն ու նախագահը Սամվել Կարապետյանն է: Այդ մասին հաղորդել է Մոսկվայի տնտեսական քաղաքականության եւ հողագույքային հարաբերությունների հարցերով փոխքաղաքապետ Նատալյա Սերգունինան, հաղորդում է ՏԱՍՍ-ը:
«Մրցույթի արդյունքներով նախագծի ներդրողը դարձել է «Տաշիր» ընկերությունը: Նոր ԷՔՍՊՈ համալիրի տարածքը 320 հազար քառակուսի մետր կկազմի:
Նախնական հաշվարկներով՝ այցելուների տարեկան թիվը կաճի 1,5-ից մինչեւ 4,5 միլիոն մարդ: Հյուրերի հարմարության համար զբոսանքի ծածկված պատկերասրահ կստեղծեն:
Համար 70 «Մոնրեալ» տաղավարը կվերանորոգեն: Այն կդառնա ժամանակակից համերգահամաժողովային կենտրոն, որը կկարողանա 4000 մարդու տեղավորել», - ասել է Սերգունինան:
