Կիեւի շրջանային վարչական դատարանը որոշում է Ուկրաինայի գլխավոր դատախազության դեմ Վրաստանի նախկին նախագահ Միխայիլ Սաակաշվիլիի հայցով վարույթ սկսելու հարցը, որում նա պահանջում է պարտադրել իրեն տրամադրել արտահանձման ստուգման նյութերը, չորեքշաբթի հաղորդել է դատարանի մամուլի ծառայությունը։
Կիեւի դատախազությունը Վրաստանի խնդրանքով իրականացնում էր Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիի արտահանձման հնարավորության ստուգում։
Գերատեսչությունից «ՌԻԱ Նովոստի»-ին հաղորդել են, որ քաղաքական գործչի կողմից պարզաբանումներ տալու համար նրան հրավիրելու ժամկետը համաձեյնեցվում է ։
«Կիեւի շրջանային վարչական դատարանում որոշվում է Ուկրաինայի գլխավոր դատախազության դեմ Սաակաշվիլիի ներկայացրած հայցը վարույթ ընդունելու հարցը, որտեղ հայցվորը պահանջում է Գլխավոր դատախազությունից նրան տրամադրել արտահանձման հնարավորության ստուգման նյութերի կրկնօրինակները տրամադրել, որը իրականացվել է Վրաստանի Արդարադատության նախարարության գլխավոր դատախազության միջնորդությամբ», -ասված է զեկույցում:
Թբիլիսիի դատարանը Սաակաշվիլիին է դատապարտել հեռակա երեք տարվա ազատազրկման 2006 թվականին «Վրաստանի միացյալ բանկի» աշխատակից Սանդրո Գիրգվլիանիի սպանության գործով: Նախկին նախագահը մեղավոր է ճանաչվել «պաշտոնեական դիրքի չարաշահման» հոդվածով: Սրանից հետո Կիեւում քաղաքական գործիչները սկսեցին խոսել Սաակաշվիլիին արտահանձնելու հնարավորության մասին: