News
Լրահոս
News
Կիրակի
Հոկտեմբեր 21
Տեսնել լրահոսը

Արմավիրի մարզպետի խորհրդական Մանուկ Սիմոնյանի սպանության մեջ մեղադրվող Ռուզաննա Մկրտչյանի շահերի պաշտպանի միջնորդությունները՝ կրկնակի դատահոգեբուժական եւ դատահոգեբանական համալիր փորձաքննություն անցկացնելու  եւ մեղադրանքը վերաորակելու մասին, մերժվել են: NEWS.am-ի հետ զրույցում Ռուզաննայի շահերի պաշտպան Նաիրա Պետրոսյանը նշեց, որ գործն արդեն դատարան է ուղարկվել եւ նախաքննական մարմնի կողմից մերժված միջնորդությունները պատրաստվում է ներկայացնել Արմավիրի մարզի ընդհանուր իրավասության դատարանում:

«Ես այսօր եմ իմ պաշտպանյալին տեսակցել, նա սպասողական վիճակում է, առողջական վիճակով էլ կարող եմ ասել, որ փոփոխություն չկա»,-ասաց նա:

Ռուզաննա Մկրտչյանը մեղադրվում է ամուսնուն` Մանուկ Սիմոնյանին սպանելու մեջ: Նրան մեղադրանք է առաջադրվել ՀՀ քրեական օրենսգրքի 104-րդ հոդվածի 1-ին մասով՝ որպես խափանման միջոց ընտրելով կալանավորումը:

Ըստ մեղադրական եզրակացության՝ Ռուզաննա Մկրտչյանը, 1992թ. ամուսնացած լինելով Մանուկ Սիմոնյանի հետ եւ համատեղ բնակվելով Արմավիրի մարզի Սարդարապատ գյուղում, տարիներ շարունակ հաճախակի բռնության է ենթարկվել նրա կողմից:

Հերթական անգամ, 2017թ. հուլիսի 22-ին` ժամը 10-ի սահմանում, տանը ամուսնու հետ միայնակ մնալուց հետո, վերջինը չնչին առիթն օգտագործելով, տան 2-րդ հարկի իրենց ննջասենյակում կրկին ծեծի է ենթարկել Ռուզաննա Մկրտչյանին: Այնուհետեւ ննջասենյակից կնոջը դուրս վռնդելուց հետո, պառկելով մահճակալին քնել է: Ռուզաննա Մկրտչյանը ննջասենյակից դուրս գալուց մի քանի րոպե անց ննջասենյակին կից խոհանոցում գտնվելու ժամանակ տեսել է սառնարանի կողքին` հատակին դրված կացինը եւ անմիջապես նրա մոտ դիտավորություն է առաջացել ննջարանում ամուսնու քնած լինելու հարմար առիթն օգտագործելով կացինով սպանել նրան` տարիներ շարունակ իրեն ծեծի ենթարկելու եւ նվաստացնելու համար: Ռուզաննա Մկրտչյանը վերցնելով կացինը եւ խոհանոցից դեպի ննջասենյակ տանող դռնով մտնելով ներս, մոտեցել է մահճակալին քնած ամուսնուն եւ նրան ապօրինաբար, դիտավորությամբ կյանքից զրկելու` սպանելու նպատակով կացնով մի քանի անգամ հարվածել է Մանուկ Սիմոնյանի գլխին, որի արդյունքում ստացած մարմնական վնասվածքներից վերջինը տեղում մահացել է:

Սպանությունը կատարելուց հետո, տուն է կանչել որդուն` Նորիկ Սիմոնյանին եւ արդեն 2017թ. հուլիսի 23-ին` ժամը 04-ի սահմանում, ամուսնու «Մերսեդես Բենց» մակնիշի 77 NM 779 հաշվառման համարանիշի ավտոմեքենայով որդու հետ ամուսնու դիակը տեղափոխել եւ թաքցրել են Արմավիրի մարզի Մյասնիկյան-Դալարիկ ավտոճանապարհի աջակողմյան ամայի տարածքում` Դալարիկի ձորից շուրջ 30 մետր հեռավորության վրա, որտեղից էլ այն հայտնաբերվել է 2017թ. հուլիսի 25-ին ժամը 23:30-ի սահմանում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հարյուրավոր ամերիկուհիներ գինեկոլոգին մեղադրել են ոտնձգությունների եւ ռասիզմի մեջ
ԱՄՆ-ում 93 կանայք դատարան հայց են ներկայացրել Կալիֆոռնիայի համալսարանի դեմ․․․
Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք
Վերջիններս կասկածվում են ՀՀ ոստիկանության Սևանի բաժնում խմբի կազմում…
Հիվանդին փոխներարկվել է «Հեպտատիտ Ց» վարակ պարունակող արյուն, նա մահացել է. մեղադրանք է առաջադրվել 2 բուժաշխատողի
Ձեռք բերված ապացույցների հիման վրա՝ «Վայքի բուժական միավորում» ՓԲԸ-ի բժիշկ-անեսթեզիոլոգ-ռեանիմատոլոգին և բժիշկ-սերոլոգին…
Ոստիկանների կողմից անչափահասին խոշտանգելու դեպքի առթիվ քրեական գործ է հարուցվել. ՀՔԾ
Ըստ անչափահասի կողմից տրված հաղորդման`2018 թվականի հոկտեմբերի 17-ին Երևան…
Փեսան խոստովանել է, որ պատվիրել է միլիարդատեր զոքանչի սպանությունը
Սկզբում Յանովսկին ընդունել է սպանության գործում իր ներգրավվածությունը, սակայն հետո հերքել է իր ցուցմունքը...
Ինչ է հայտնի Կերչի քոլեջում 19 մարդ սպանած հրաձիգի մասին
18-ամյա Ռոսլյակովը 4-րդ կուրսի ուսանող էր․․․
Ամենաշատ
Partner news