«Օրինաց երկիր» կուսակցությունը 2010թ. ձեռքբերումներից մեկը համարում է այն փաստը, որ երկրաշարժի գոտուն ուղղվեց 23 մլրդ դրամ, ինչի արդյունքում հազարից ավելի ընտանիքներ բնակարաններ ստացան: Այդ մասին NEWS.am-ի թղթակցի հետ զրույցում հայտնել է ՕԵԿ խմբակցության ղեկավար Հեղինե Բիշարյանը` ամփոփելով 2010թ. արդյունքները:
Նա դրական համարեց այն, որ աղետի գոտու վերականգնման ծրագիրը շարունակվելու է նաեւ 2011թ., ինչն արձանագրված է այդ տարվա բյուջեում 27 մլրդ դրամի չափով: «Կարեւոր է նաեւ երիտասարդ ընտանիքների բնակարանային ապահովման աջակցությանը միտված ծրագիրը: Պետությունն այդ ուղղությամբ ներդրել է 3 մլրդ դրամ, ինչը կօգնի բնակարան ունենալ 300 երիտասարդ ընտանիքների»,- նկատել է Բիշարյանը:
Արտաքին քաղաքականության ոլորտում Բիշարյանը ձեռքբերում համարեց փաստը, որ միջազգային հանրության դիրքորոշումը ղարաբաղյան հարցում մեծապես սկսեց համահունչ լինե հայկական կողմի տեսակետին:
«Սակայն ձեռքբերումների կողքին կան եւ թերացումներ, որոնք հիմնականում կենտրոնացել են սոցիալական ոլորտում եւ տնտեսության մեջ»,- հայտարարել է Բիշարյանը` որպես օրինակ նշելով աննախադեպ գնաճը:
