«Կրակ եւ ցասում․ Թրամփի Սպիտակ տան ներսում» (Fire and Fury. Inside the Trump White House) գրքի հեղինակ ամերիկացի լրագրող Մայքլ Վուլֆին ԱՄՆ նախագահ Դոնալդ Թրամփն անվանել է «հոգեկան անհավասարակշիռ մարդ»։
Համապատասխան հրապարակումն ամերիկյան առաջնորդն արել է իր թվիթերյան էջում, փոխանցում է ՏԱՍՍ-ը:
Լրատվամիջոցների տարածած կեղծ տեղեկություններն «առաջ են մղում հոգեկան անհավասարակշիռ հեղինակի գիրքը, որը գիտակցաբար օգտագործում է ոչ ճշգրիտ տեղեկություն»,- նշել է Թրամփը:
Նա հավելել է, որ աճում է կեղծ լուրերի թիվը։ «Նրանք նույնիսկ չեն փորձում ամեն ինչ ճիշտ անել կամ չեն ուղղում սխալները․․․Առաջատար լրատվամիջոցները գժվել են այն բանից, որ մենք հաղթել են ընտրություններում»,-եզրափակել է նախագահը։
«Կրակ եւ ցասում. Թրամփի Սպիտակ տան ներսում» գիրքը վաճառքի է հանվել հունվարի 5-ին։ Այն պարունակում է բազմաթիվ վարկաբեկող տեղեկություններ եւ մեկնաբանություններ նախագահի, նրա ընտանիքի անդամների եւ շրջապատին մասին: Թրամփը նախկինում գիրքը սուր քննադատության էր ենթարկել՝ ասելով, որ այն լի է ստով ու աղավաղումներով: Վուլֆիի գրքում նշվում է, որ նախագահն, իբրեւ թե, բացարձակապես ունակ չէ ընկալել տեղեկությունները, չի հանդուրժում խորհրդատվությունը եւ իր ներկա պարտականությունները կատարելու համար չունի անհրաժեշտ մտավոր ունակություններ:
