Արաբական Միացյալ Էմիրությունները (ԱՄԷ) բողոք կներկայացնեն Քաթարի դեմ Քաղաքացիական ավիացիայի միջազգային կազմակերպությանը (ICAO), հաղորդում է Reuters-ը: ԱՄԷ-ն մեղադրում է Քաթարին քաղաքացիական ինքնաթիռների հետապնդման համար:
ԱՄԷ-ն մեղադրում է Քաթարին օդային տարածքի օգտագործումը կարգավորող Չիկագոյի կոնվենցիայի խախտման համար: Այս մասին հայտարարել է ԱՄԷ-ի քաղաքացիական ավիացիայի վարչության գլխավոր տնօրեն Սայիֆ Մոհամեդ ալ Սուվայդին: Նրա խոսքով՝ Քաթարի կործանիչներն իրենց ինքնաթիռներին բավականին մոտ են թռչել, նրանց տեսել են օդանավի անձնակազմն ու ուղեւորները, ինչը վտանգել է նրանց անվտանգությունը:
Նախօրեին ԱՄԷ-ն հայտարարել էր, որ Քաթարի կործանիչները հետապնդել են ԱՄԷ-ի՝ Բահրեյն թռչող երկու քաղաքացիական ինքնաթիռներին: Քաթարը հայտարարել էր, որ պնդումները «բացարձակապես չեն համապատասխանում իրականությանը»:
ԱՄԷ-ն մեղադրել է Քաթարին երկու ուղեւորատար ինքնաթիռի «հետապնդման» համար
