ՌԴ Նախագահի մամուլի քարտուղար Դմիտրի Պեսկովը հայտարարել է, որ ինքը ձեռնպահ կմնա Ուլան Ուդեի դպրոցում տեղի ունեցած ողբերգության վերաբերյալ «անկախ մեկնաբանություններից»: Նշենք, որ դպրոցում 9-րդ դասարանի աշակերտի հարձակման արդյունքում վիրավորվել է երեք յոթերորդ դասարանցի եւ ուսուցչուհին: Այս մասին հայտնում է Kommersant.ru- ն:

  Պեսկովը, պատասխանելով դպրոցականների վրա սոցիալական ցանցերի ազդեցության մասին հարցին, ասել է, որ համացանցի ազատությունը կարող է ինչպես  բարիք, այնպես էլ չարիք բերել:

  «Ուզում եմ ձեզ հիշեցնել մեր նախագահի խոսքերն այն մասին, որ համացանցը բացարձակ ազատ տարածք է եւ համացանցի ազատությունը իհարկե պետք է պահպանվի եւ համացանցը շատ բարիք է բերում: Սակայն չի կարելի աչք փակել նրա վրա, որ համացանցը նաեւ չարիք է բերում, որը մեր կյանքում արտահայտվում է այսքան այլանդակ եւ ողբերգական ձեւով»,— ասել է նա:

Հունվարի 19-ին Ուլան Ուդեի №5 դպրոցում կացինով զինված 9-րդ դասարանցին ներխուժել է 7-րդ դասարան եւ վիրավորել երեք աշակերտի եւ ուսուցչուհուն: Ձերբակալությունից առաջ նա փորձել է ինքնասպան լինել եւ հոսպիտալացվել է: Քննությունը չի բացառում, որ կասկածյալը որոշել է կրկնել դպրոցի վրա հարձակումը, որը հունվարի 16-ին  կատարել էին Պերմի դպրոցի իր հասակակիցները:

Ուլան Ուդե դպրոցի վրա հարձակման արդյունքում չորս մարդ է տուժել