Մեծ Բրիտանիայի կառավարությունը միջուկային հարձակման սպառնալիքի դեպքում երկրի քաղաքացիներին վտանգի մասին կտեղեկացնի տեքստային հաղորդագրությունների միջոցով, նման համակարգը կգործարկվի «Սառը պատերազմի» ժամանակահատվածում նախազգուշական ազդանշանների ծառայության շահագործման դադարից 25 տարի անց, հաղորդում է Times-ը:
Նախագծի հետ կապված փաստաթղթերում նշվում է, որ համակարգը կարող է օգտագործվել «չհաստատված լուրջ միջադեպերի», մարդկանց կամ շրջակա միջավայրին սպառնացող իրադարձությունների, ինչպես նաեւ ռազմական գործողությունների կամ ահաբեկչական գործողությունների ժամանակ:
Բուքինգհեմի համալսարանի անվտանգության մասնագետ Էնթոնի Գլիսը հայտարարել է, որ քաղաքացիներին տեղեկացնելը «անվտանգության ապահովման համար պետության հիմնական գործառույթներից է»: