Կանադայի Մոնրեալում ձնաբքից հետո բնակիչը ձնակույտից մեքենա է ստեղծել եւ «կայանել» ճամփեզրին:
Նա չի ակնկալել, որ քանդակով կհետաքրքրվեն ոստիկանության աշխատակիցները, հաղորդում է «Մոյա պլանետան»:
Կանադացիները հրաշալի հումորի զգացում են ունեն: Անսովոր տեսքով ձնեմարդուն կերտել է 33-ամյա ատաղձագործ Սայմոն Լապրիզը «հրաշալի օրը ստեղծագործորեն նշելու համար»: Ձնամաքրման ժամանակ ճանապարհին կայանելն արգելվում է, հավանաբար, այդ պատճառով է ոստիկանությունը ժամանել ձնե մեքենայի մոտ:
«Ես ուզում էի ձյան մաքրողներին անակնկալի բերել, բայց չէի սպասում ոստիկանության ժամանմանը եւ առավել եւս վիրուսային հայտնիությանը»,-խոստովանել է Լապրիզը: