ԱՄՆ նախագահ Դոնալդ Թրամփը միջազգային տնտեսական համաժողով առաջիկա ուղեւորության ընթացքում շվեյցարական Դավոսում երկկողմ հանդիպումներ կունենա Մեծ Բրիտանիայի վարչապետ Թերեզա Մեյի եւ Իսրայելի վարչապետ Բենիամին Նեթանյահուի հետ: Այս մասին հայտնել է ԱՄՆ նախագահի՝ ազգային անվտանգության հարցերով խորհրդական Հերբերթ Մակմասթերը, փոխանցում է «ՌԻԱ Նովոստի»-ն:
«Հինգշաբթի նախագահը կհանդիպի Մեծ Բրիտանիայի վարչապետի հետ, որ քննարկի Սիրիայում հակամարտությունը, Իրանի ապակայունացնող գործողությունները, Իրանի միջուկային համաձայնագրի թերությունների շտկումը եւ Կորեական թերակղզու ապանուկլեինացման մեր ընդհանուր նպատակները»,- ճեպազրույցում ասել է Մակմասթերը:
Նրա խոսքով՝ Նեթանյահուի հետ հանդիպմանը ԱՄՆ առաջնորդը մտադիր է հաստատել «ԱՄՆ պարտավորությունները Իսրայելի նկատմամբ», Իրանի ազդեցության դեմ պայքարը եւ հավատարմությունը Մերձավոր Արեւելքում հաստատուն խաղաղությանը:
Ուրբաթ Թրամփը մտադիր է հանդիպել Ռուանդայի առաջնորդի հետ, որը ներկայումս Աֆրիկյան միության նախագահն է: Կխոսեն առեւտրի եւ անվտանգության հարցերի շուրջ, ասել է Մակմասթերը:
ԱՄՆ նախագահը ծրագրել է հանդիպել նաեւ Շվեյցարիայի նախագահի հետ, որի ընթացքում կողմերը կքննարկեն ներդրումների, ինովացիաների եւ տնտեսական աճի հարցերը:
Համաշխարհային տնտեսական համաժողովն անցկացվում է հունվարի 23-ից 26-ը Դավոսում: