«Սիրիական դեմոկրատական ուժեր» (SDF) արաբա-քրդական ջոկատները հայտնել են Սիրիայի Աֆրինի շրջանում թուրքական բանակի գործողության ավելի ան 300 մասնակցի ոչնչացման եւ իրենց 43 մարտիկների զոհվելու մասին: «ՌԻԱ Նովոստի»-ի փոխանցմամբ՝ այս մասին նշված է SDF հայտարարությաբն մեջ:
«Մենք 43 զոհ ունենք, այդ թվում 8 կին YPJ-ից (ինքնապաշտպանության կանանց ուժեր): 134 խաղաղ բնակիչ վիրավորվել է եւ 59-ը զոհվել»,- նշված է հայտարարության մեջ:
«Թուրքական ագրեսիան հանգեցրեց տարբեր հարձակողական զորքերի 308 անդամի զոհվելուն, որոնց թվում 4 սպա եւ գեներալ կա»,- նշված է SDF հայտարարության մեջ:
Հայտարարության համաձայն՝ հունվարի 20-ին կատարվել է թուրքական ՌՕՈՒ-ի 191 թռիչք, 699 արկ է նետվել Սիրիայի հյուսիսային տարածքի վրա: Ռազմական գործողության ընթացքում SDF-ի եւ հարձակվող ուժերի միջեւ տեղի է ունեցել 136 բախում:
Թուրքիայի նախագահ Ռեջեփ Էրդողանը ուրբաթ հայտարարել է, որ Թուրքիան մտադիր է ընդլայնել Սիրիայում գործողության անցկացման տարածքը մինչեւ Մանբիջա եւ այնուհետեւ՝ մինչեւ Իրաքի սահման:
