Երկրի բնակիչները հունվարի 31-ին կարող են հազվագյուտ երեւույթի ականատես լինել՝ Լուսնի հետ կապված միանգամից երեք  տիեզերական իրադարձություններ համընկել են մեկ օրում։ Խոսքն այնպիսի երեւույթների մասին է, ինչպիսին են՝ «գերլուսինը», լուսնի ամբողջական խավարումը եւ, այսպես կոչված, երկնագույն Լուսինը, հաղորդում է AP-ն։

Այդ պատճառով ամբողջական խավարման ժամանակ Լուսինը կստանա կարմրագույն երանգ, այս երեւույթը հաճախ անվանում են «գերերկնագույն արյունոտ Լուսին» (super blue blood moon)։

Լուսինը տեսնել կարող են մի շարք մայրցամաքների բնակիչները։ Հյուսիսային Ամերիկայում երեւույթը ավելի լավ կերեւա արեւմտյան մասում, ինչպես նաեւ Ալյասկայում եւ Հավայան կղզիներում։

Մերձավոր Արեւելքում, Ասիայում, Ռուսաստանի արեւելքում, Ավստրալիայում եւ Նոր Զելանդիայում «գերերկնագույն արյունոտ Լուսինը» հնարավոր կլինի տեսնել հունվարի 31-ի երեկոյան, հաղորդում է NASA-ն։

Լուսնային խավարումը ուղիղ եթերում կհեռարձակվի NASA-ի կայքում։