Այս տարի ՀԱՊԿ անդամ-երկրների զինված ուժերի մասնակցությամբ կանցկացվեն «Մարտական եղբայրություն -2020» օպերատիվ-ռազմավարական զորավարժությունները: Այս որոշումը կայացվել է Հայաստանի, Բելառուսի, Ղազախստանի, Ռուսաստանի, Տաջիկստանի պատվիրակությունների աշխատանքային հանդիպման ժամանակ: Հանդիպումը տեղի է ունեցել Հավաքական անվտանգության պայմանագրի կազմակերպության (ՀԱՊԿ) միացյալ շտաբում, փոխանցում է RG-ն:
«Այսօր մենք փաստացիորեն մեկնարկ ենք տալիս նոր տարում կառավարման մարմինների համատեղ պատրաստմանը, հավաքական անվտանգության համակարգի ուժերի եւ միջոցների ստեղծմանն ուղղված միջոցառումներին», - հանդիպմանը հայտարարել է ՀԱՊԿ-ի միացյալ շտաբի պետի ժամանակավոր պաշտոնատար, գեներալ-լեյտենանտ Անատոլի Յակովլեւը:
Երբ եւ որտեղ կանցկացվեն զորավարժությունները, դեռ հայտնի չէ, սակայն հայտնի է, որ աշխատանքային հանդիպմանը որոշվել են զորավարժության անցկացման փուլերը: