Սա հիշեցնում է խորհրդային տարիները, երբ ստեղծում էինք պրոբլեմներ, հետո սկսում էինք դա հաղթահարել. հիմա սկզբում թանկացնում ենք ապրանքները, հայտարարում ենք, որ դա հրաշալի արդյունք կտա, դուք չեք հասկանում, որ իրականում էժանացնում ենք, հետո սկսում ենք հաղթահարել դա: Այս մասին, այսօր՝ փետրվարի 6-ին, ԱԺ-ում Հարկային օրենսգրքի փոփոխությունների վերաբերյալ օրինագծի քննարկման ժամանակ նշեց «Ծառուկյան» խմբակցության պատգամավոր Սերգեյ Բագրատյանը:
Նրա խոսքով, սկզբում կառավարությունը բարձրացնում է ակցիզային հարկն ու եկամտահարկը, հետո հայտարարում, թե թանկացումների հետ մենք կապ չունենք. «Ո՞նց կարող է դուք հարկը բարձրացնեք, ապրանքը չթանկանա: Հասարակությանը հասկանալի չի, որ եթե դու դիզվառելիքի վրա ԱԱՀ ես ավելացնում 20 տոկոսի չափով: Եթե անգամ դիզվառելիքն արժենար 300 դրամ, դու թանկացնում ես 60 դրամով: Բոլոր թանկացումները կառավարության աշխատանքի հետեւանքն են: Որեւէ թանկացում արտաքին ազդակի արդյունք չի եղել: Պետք է ազնիվ լինել ու ասել՝ հարկերը ավելացրել ենք, որովհետեւ բյուջեն լցնելու խնդիր ունենք: Պետք չի լոլո պատմել, թե Աֆղանստանում ինչ-որ բան թանկացավ, կամ քանի որ կարագն օգտակար չի, կարագի գինն իջավ: Սա քաղաքական բացատրություն չի»,-ասաց Բագրատյանը:
Ի պատասխան, օրինագծի հեղինակներից ՀՀԿ խմբակցության պատգամավոր խոսրով Հարությունյանը նշեց, որ ինքը լուրջ քննարկումների կողմանկից է. «Եթե իմ ելույթը լոլոյի տպավորություն է թողել, թույլ տվեք այստեղ լռել»: Նա ընդգծեց, որ իրենց առաջարկի արդյունքում նվազեցվում է ուղեւորափոխադրումներ իրականացնողների արտոնագրային հարկի դրւյքաչափը, ինչը հնարավորություն կտա էապես նվազեցնել հարկային բեռը, որը նույնիսկ ավելի ցածր կլինի, քան 2017 թվականին:
Իր հերթին Ֆինանսների փոխնախարար Դավիթ Անանյանը օրիանկ բերեց, նշելով, որ մինչեւ այս փոփոխությունը Գավառում գործող 28 նստատեղ ունեցող ավտոբուսը վճարում էր 29 հազար դրամ, քանի որ դրույքաչափը մեկ նստատեղի համար 2 հազար դրամ է, այսինքն վճարվելիք գումարը կլինի 54 հազար դրամ, որի վրա կիրառվում է 0,5 գործակից եւ դառնում է 29 հազար դրամ: իսկ հիմա 2000 դրամ դրույքաչափը դառնում է 1800 դրամ, հետեւաբար, հարկային բեռը 29 հազար դրամից դառնում է 25 200 դրամ:
Փոխնախարարը նաեւ նշեց, որ հիմա եւս մեկ նոր հնարավորություն է ստեղծվում ուղեւորափոխադրում իրականացնողների համար. «Մենք որոշեցինք մեկ քայլ էլ առաջ գնալ՝ հնարավորություն ընձեռել ուղեւորափոխադրում իրականացնողներին ընտրություն կատարել՝ ԱԱՀ-ի ռեժիմում աշխատեն, թե՞ արտոնագրային հարկի: ԱԱՀ-ի դաշտում աշխատելու դեպքում՝ իրենց հարկային պարտավորությունները էականորեն կնվազեն, որովհետեւ մանրածախ գնի մեջ 16,67 տոկոսի չափով ունեն ԱԱՀ-ի հաշվանցման իրավունք»:
ՄԻԵԴ-ում պարտվելուց հետո դատավորները պետք է համաչափորեն պատասխանատվություն կրեն. Գեւորգ Կոստանյան
Կմիանա՞ ՀՅԴ-ն տարածքային ցուցակներով ընտրակարգը փոխելու «Ծառուկյան» խմբակցության նախաձեռնությանը
Ընդդեմ թանկացումների. «Ելք»-ը ստորագրահավաք է սկսում ԱԺ արտահերթ նիստ հրավիրելու հարցով
