Ռեյտինգային ընտրակարգը ավելի ժողովրդավարական է, քան կուսակցական փակ ընտրակարգը: Այս մասին այսօր՝ փետրվարի Ազգային ժողովում լրագրողների հետ զրույցում ասել է ՀՀԿ փոխխոսնակ Էդուարդ Շարմազանովը:
Նշենք, որ ՀՅԴ եւ «Ծառուկյան» խմբակցությունները դեմ են այս համակարգին: «Ծառուկյան» խմբակցությունը ԸՕ-ում ռեյտինգային համակարգը հանելու, ամբողջական համամասնական ընտրակարգին անցնելու նախագիծ է ներկայացրել:
«Չեմ կիսում մեր դաշնակցական գործընկերների կարծիքը, չեմ կարծում, որ ռեյտինգային համակարգը խոչընդոտ է Հայաստանում ժողովրդավարական ընտրություններ անցկացնելու համար: Հնարավորություն է տրված ընտրողին, որ ինքը ընտրի՝ ով է լինելու իր պատգամավորը: Ի վերջո աշխարհում չկա ունիվերսալ համակարգ բոլոր պետությունների համար: Կարող ենք փաստել, որ այս ընտրական օրենսգիրքը, որը ռեյտինգային եւ համամասնական կարգով էր, խնդրահարույց չի եղել ոչ իշխանության, ոչ ընդդիմության համար, հետեւաբար որն է նպատակը, որ ռեյտինգայինը փոխենք»,-ասել է Շարմազանովը:
Հարցին՝ ընտրությունների ժամանակ եղան փաստեր, որ տեյտինգային ընտրկարգով առաջադրված ՀՀԿ-ական գործարարները ընտրակաշառքեն բաժանելով են անցել խորհրդարան, օրինակ «ՍԱՍ» գրուպի սեփականատեր, ՀՀԿ-ական Արտակ Սարգսյանը, որի ընտրվելու մասին փաստում է աղմկահարույց ձայնագրությունը, Շարմազանովն արձագանքեց. «Ձայնագրությունով հանդերձ Արաբկիր համայնքի բնակչությունը ձայն է տվել Արտակ Սարգսյանին: Քննարկման առարկա չէ դա, դա արդեն իրավական խնդիր է»,-ասել է նա: