Microsoft-ը պատրաստվում է թողարկել Windows 10-ի թարմացումը՝ Redstone-ը: Հիմնական նորարարություններն են` վերջին 30 օրվա ընթացքում բոլոր սարքերում օգտատիրոջ բոլոր գործողությունների պատմությունը, ընկերություններին ուղարկվող տվյալների ամբողջական ցանկի դիտելիությունը, Bluetooth-ով սարքերի միջեւ տվյալների փոխանցումը եւ այլն, գրում է Cnews-ը:

Windows 10-ի թարմացումը

2018-ի մարտ-ապրիլին Windows 10-ի օգտատերերին հասանելի կդառնա այս համակարգի ընդհանուր թարմացումը՝ Redstone 4 կամ 1803 տարբերակ անվանումով:

Օպերացիոն համակարգի վերջին տարբերակներում արդեն գրեթե գոյություն ունեն բոլոր փոփոխությունները, որոնք կան այս թարմացման մեջ: Redstone 4-ի դուրս գալուց հետո այս փոփոխությունները կհայտնվեն սովորական օգտատերերի սարքերում:

Գործողությունների պատմություն

Redstone 4-ի ամենանշանակալի նորարարարությունը կլինի Timeline-ը՝ էկրանը, որի վրա օգտատերը կկարողանա նայել բոլոր սարքերում վերջին 30 օրվա ընթացքում իր կատարած գործողությունները:

Timeline-ը ցույց է տալիս օտագտիրոջ բոլոր վերջին գործողությունները տարբեր հավելվածներում, բրաուզերում այցելած էջերը, կարդացած հոդվածները, լսած երգերը եւ այլն:

Օգտատերը կարող է նայել բոլոր գործողությունները, որոնք կապված են կոնկրետ ամսաթվի հետ, ինչպես նաեւ օգտվել որոնման հնարավորությունից:

Բոլոր սարքերը սինխրոնացվում են ամպում գտվող աքաունթով: Կարելի է օգտագործել մի քանի աքաունթ՝ օրինակ աշխատանքային եւ տնային: Առանց ամպի հետ սինխորնացման Timeline-ը ցույց է տալիս միայն վերջին 4 օրերի պատմությունը: Սինխրոնացման շնորհիվ օգտատերը կարող է օրինակ ավարտել նոութբուքով աշխատանքը, այնուհետ տան համակարգչից նույն տեղից շարունակել: Օգտատիրոջ ցանկությամբ Timeline-ից կարելի է ջնջել կատարված գործողությունները:

Արտաքին տեսքը

Microsoft-ը փորձել է բարելավել հնացած հավելվածների արտացոլումը մեծ քանակությամբ կետերով էկրանի վրա մեկ դյույմով (DPI):

 «Կարգավորումներում» բացվել է բաժին, որը հնարովորություն է տալիս տարբեր հավելվածների համար կարգավորել մասշտաբը՝ պատկերի հստակ արտացոլմանն համար: Համակարգն ինքուրույն կատարում է կարգավորումը:

Եթե այդ կարգավորումն անջատված է, Windows 10-ն օգտատիրոջն առաջարկում է թույլ տալ իրեն կարգավորում կատարել: Օգտատերը կարող է նաեւ իր համար հարմար DPI նշել՝ յուրաքանչյուր հավելվածի համար առանձին:

Ինչ վեչաբերում է  Windows 10-ի դիզայնին, ապա Microsoft-ն այստեղ շարունակում է իրականացնել Fluent Design հայեցակարգը: Այդ կապակցությամբ համակարգի աշխատանքում տեսողական փոփոխություններ են հայտնվել՝ «մեկնարկ» մենյուում բացելու ժամանակ եւ տարբեր հավելվածների պատուհաններում լրացուցիչ անիմացիա, Edge բրաուզերի եւ համակարգի այլ բաղադրիչների թարմացված դիզայնը:

Լեզուն եւ տառատեսակները

Windows Store-ում ավելացվել են տառատեսակներ, որոնք այժմ կարելի է ներբեռնել խանութից: Ինչպես նաեւ մենյուի «Տառատեսակներ» կետն ավելացվել է «Կարգավրումներում»: Օգտատերն այժմ կարող է ներբեռնել եւ հեռացնել տառատեսակները նաեւ «Կարգավրումներում»՝ նախապես նայելով դրանց արտաքին տեսքը:

 Բացի այդ հավելվածների խանութից այժմ կարելի է լեզվական փաթեթներ տեղադրել: Այդ հնարավորությունը կա նաեւ «Կարգավրումներում», որտեղ համապատասխան բաժինը թարմացվել է:

Գաղտնիությունը եւ անվտանգությունը

Անվտանգության նկատառումներով Redstone 4-ում հավելվածների համար տեսախցիկի հասանելիությունն արգելող հնարավորություն կավելացվի: Դա վերաբերում է նաեւ համակարգային հավելվածներին: Ինչ վերաբերում է գաղտնիությանը, ապա Microsoft-ը շարունակում է բարձրացնել օգտատիրոջ տեղեկացվածության մակարդակն այն մասին, թե նրա որ տվայլներն են փոխանցվում ընկերությանը: Այդ նպատակով ստեղծվել է դիագնոստիկ տվայլները նայելու համար հատուկ հավելված: Հավելվածում կարելի է տեսնել օգատիրոջ յուրաքանչյուր սարքից հավաքված տվյալների ցանկը:

Համապատասխան գործառույթը կարելի է ակտիվացնել «Կարգավրումներում», որից հետո համակարգն կառաջարկի այդ հավելվածը բեռնել խանութից: Ամբողջ սխեմայի իրականացման համար մոտ 1 ԳԲ մշտական հիշողութուն կպահանջվի. այնտեղ կպահպանվեն դիագնոստիկ տվյալները: Տվյայլներն ավելի հարմար տարբերակով դիտելու համար հավելվածն ունի նաեւ որոնման հնարավորություն:

Հիշեցնենք, որ 2015 թվականի հուլիսին Windows 10-ի մեկնարկից հետո Microsoft-ը բազմիցս քննադատության է ենթարկվել սովորական օգտատերերի եւ տարբեր կազմակերպությունների կողմից, որոնց դուր չէր գալիս, որ օպերացիոն համակարգը ընկերությանը փոխանցում էր հեռաչափային տվյալները, եւ որ այն հնարավոր չէր անջատվել: Արդյունքում, 2015-ի նոյեմբերին ընկերությունն ավելացրեց «հետեւլն» անջատելու հնարավորություն, բայց միայն կորպորատիվ հաճախորդների համար:

Նոր Nearby Share գործառույթը հնարավորություն կտա մոտ գտնվող սարքերին Bluetooth-ի միջոցով փոխանցել տվյալներ:

 Ընդունող սարքը տվյաների փոխանցման հարցում է ստանում եւ այն հաստատելու դեպքում, ստանում է տվյալները:

My People կոնտակտների ցանկը, որը  աշնանը թարմացված տարբերակում  հայտնվում էր խնդիրների պանելում, նույնպես փոփոխություններ է կրել: Խնդիրների պանելում այժմ կարելի է ամրացնել ավելի քան 3 կոնտակտ՝ դրանք ուղղակի տեղափոխելով ցանկից:

Արդեն պանելում դրանք կարելի է դասավորել:

 Որոշակի փոփոխություններ են կատարվել Edge բրաուզերի աշխատանքում: Մասնավորապես բրաուզերում տվյալների հիման վրա ինքնալրացման ձեւ է հայտնվել, որոնք օգտատերը նախկնում այնտեղ նշել էր: Այն կայքերը, որոնք կոնկրետ տվյալ պահին բացված չեն բրաուզերում, այժմ կարող են Action Center պանելի վրա ծանուցումներ ուղարկել: Ավելացվել է մի շարք աուդիո եւ տեսաձեւաչափերի աջակցությունը՝ OGG Vorbis-ի եւ Theora-ի նման, ընդլայնվել են PDF եւ EPUB կարդալու հնարավորությունները: Բացի այդ հայտնվել է առաջադեմ վեբ-հավելվածների աջակցությունը: