Անգելա Մերկելի պահպանողական բլոկը եւ Գերմանիայի սոցիալ-դեմոկրատական կուսակցությունը երկարատեւ բանակցություններից հետո կարողացել են համաձայնեցնել կոալիցիոն պայմանագիրը, որը կընկնի նոր կառավարության աշխատանքի հիմքում: Այս մասին հաղորդում է Der Spiegel պարբերականը՝ վկայակոչելով սեփական աղբյուրը:
«Բանակցողներն ավարտել են խորհրդակցությունները,կոալիցիոն պայմանագիրը համաձայնեցված է»,-նշել է պարբերականը:
DPA գործակալությունը իր հերթին հայտնել է, որ կուսակցությունները պայմանավորվել են նաեւ նախարարական պորտֆելները բաժանելու շուրջ:
Նոր կառավարությունում սոցիալ-դեմոկրատական կուսակցությունը կպահպանի արտաքին գործերի նախարարության, ինչպես նաեւ ֆինանսների նախարարության ղեկավարությունը, հաղորդում է Bild-ը:
Քրիստոնեա-սոցիալական կուսակցության ղեկավար Հորսթ Զեեհոֆերը մոտ ժամանակներս կազատի Բավարիայի վարչապետի պաշտոնը՝ ստաանալով ներքին գործերի նախարարի պաշտոնը, փոխանցում է ՏԱՍՍ-ը: