News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Ղարաբաղյան շարժման երեսուներորդ տարեդարձը լավ առիթ է նորից վերադառնալ այն ելակետին, որտեղից սկսել է ազգային-ազատագրական պայքարի նորագույն փուլը: Այս մասին NEWS.am-ի թղթակցի հետ զրւյցում ասել է Արցախի հանրապետության Ազգային ժողովի խոսնակ Աշոտ Ղուլյանը:

«Մենք այս հնարավորությունը պետք է կարողանանք օգտագործել հայության բոլոր հատվածներին ազգային միասնականության գաղափարի շուրջ ավելի համախմբելու նպատակով»,-ընդգծել է Աշոտ Ղուլյանը: Նրա խոսքով՝ իհարկե, 30 տարին շատ մեծ ժամանակահատված չէ ընդհանուր պատմական իրադարձությունների ֆոնին.  «Բայց այն շատ կարեւոր ժամանակահատված է, որովհետեւ հենց այս շրջանում է մեր երազանքների մեծ մասը կատարվել, մենք ձեռք ենք բերել այն ազատությունը եւ անկախությունը, որ դարեր շարունակ երազել էինք: Եվ հենց մեր սերունդներին է վիճակվել դա իրականացնել, ուստի այս իմաստով մենք երջանիկ սերունդ ենք»:

Ղարաբաղյան շարժման հոբելյանին նվիրված գլխավոր իրադարձությունները կանցկացվեն Արցախում, քանի որ սկիզբը հենց այդտեղից է եղել: Բայց այդ միջոցառումների մի մասը կանցկացվի Հայաստանում եւ արտերկրում: «Միջոցառումները, որոնք կանցկացվեն Հայաստանում, նույնպես  առիթ են ստեղծում խոսել Ղարաբաղյան շարժման մասին, խոսքը ե՛ւ Առաջին հանրապետության 100-ամյակի, ե՛ւ Երեւանի հոբելյանի, ե՛ւ Երեւանում անցկացվելիք միջազգային կարեւոր միջոցառումների մասին է»,-նշել է Աշոտ Ղուլյանը:

Խոսնակն ընդգծել է, որ Ղարաբաղյան շարժման 30-ամյակը շատ կարեւոր ուղենիշ է, որովհետեւ այստեղից սկիզբ է առնում մի նոր ժամանակահատված ազգային ինքնության պահպանման համար: Ղարաբաղյան շարժման 30-ամյակի միջոցառումները կազմվել են հենց այդ տրամաբանությամբ: «Մենք ձգտում ենք դրան մասնակից դարձնել Արցախի հանրապետության բոլոր քաղաքացիներին, որպեսզի հանրապետության ամբողջ տարածքում զգացվի այդ տոնական տրամադրությունը՝ իհարկե կենտրոնում ունենալով Ղարաբաղյան շարժման առաջամարտիկների մասնակցությունը, նրանց հիշողությունները եւ փաստագրական նյութերը, բարեբախտաբար նաեւ տեսագրությունները, որոնք պետք է Արցախի հանրային հեռուստաընկերոության եւ համացանցի միջոցով բոլորի համար տեսանելի եւ շոշափելի դարձնել»,-շեշտել է խոսնակը:

Փետրվարի 10-ից մինչեւ 20-ը նախատեսվում են անցկացնել խտացված միջոցառումների մեծ շարք, որտեղ կազմակերպիչները փորձել են պահել 30 տարի առաջվա պատմական իրադարձությունների ժամանակագրությունը: Փետրվարի 13-ին Ստեփանակերտում նախատեսվում է մեծ համաքաղաքային հանրահավաք: «Կարծում եմ՝ երիտասարդ սերունդը շատ լավ է պատկերացնում այն ժամանակվա պատմությունը, իսկ հոբելյանը՝ լավ առիթ է դրան անդրադառնալու, սերունդների միջեւ կամուրջ կապելու համար»,-համոզմունք է հայտնել Աշոտ Ղուլյանը: Փետրվարի 19-ին եւ 20-ին տեղի կունենան հանդիսավոր միջոոցառումներ, պաշտոնական ընդունելություն, պարգեւատրման արարողություն, երեկոյան տոնական համերգ, որը տեղի կունենա պատմական նստաշրջանի դահլիճում՝ այսօրվա կառավարության նիստերի դահլիճում:

«Այս միջոցառումների շնորհիվ պետք է փորձենք վերականգնել այն, ինչին ժամանակի ընթացքում կարեւորություն չի տրվել: Դա է պատճառը, որ մենք միջոցառումների ծրագրում նախատեսում ենք քաղաքական մեծ ակցիա՝ «100-ամյա տարեգրություն», որը վերաբերում է 1918 թվականից՝ այսինքն, ղարաբաղյան հիմնախնդրի ծագման ժամանկահատվածից մինչեւ մեր օրերը» ,-նշել է նա: Տարեգրությունում նախատեսվում է օգտագործել անձնական արխիվների նյութեր եւ լուսանկարներ, որոնք ձեւավորում են այն ընդհանուր պատկերացումը, որ ունենք Ղարաբաղյան շարժման մասին: «Այսինքն, պետք է ցույց տալ, որ մենք ունեցել ենք այդ շատ կարեւոր նախապատրաստական իրադարձությունները, որոնց շնորհիվ  ձեւավորվել է շարժման այս կարեւոր փուլը եւ որի շնորհիվ մենք ունենք հայկական երկու հանրապետությունները» ,-եզրափակել է նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵԽԽՎ-ի բանաձեւի տեքստում մեր պատվիրակության բոլոր փոփոխություններն ընդունվեցին, Ադրբեջանինը՝ մերժվեցին․ Ռուբինյան
ԵԽԽՎ-ն քվեարկությամբ ընդունել է «Հայաստանում ժողովրդավարական ինստիտուտների գործունեությունը» բանաձևը․․․
Դեսպան. Գերմանիան հանդես է գալիս ԵԱՀԿ Մինսկի խմբի շրջանակներում ղարաբաղյան հակամարտության կարգավորման օգտին
NEWS.am-ի թղթակցի խնդրանքով դեսպանը ներկայացրեց Գերմանիայի դիրքորոշումը ղարաբաղյան հակամարտության վերաբերյալ․․․
Ուղիղ 30 տարի առաջ այս օրը տեղի ունեցավ Քարին Տակի հերոսամարտը
Մարտական գործողությունների արդյունքում ԵՐԵՔ ԿՈՂՄԻՑ հարձակման անցած հակառակորդը տալով 90-ից ավելի զոհ, հետ շպրտվեց ելման դիրքեր...
ՌԴ-ում Ադրբեջանի դեսպանը շտապել է «քաղցրացնել» Բաքվում ԱՄՆ դեսպանության հայտարարության նստվածքը
Բյուլբյուլօղլին փորձել է «քաղցրացնել» ԱՄՆ դեսպանության հայտարարության մրուրը...
Բաքվի հայատյաց ու հայասպան քաղաքականությունն ունի հստակ ժամանակագրություն. Արցախի ՄԻՊ
Առաջնորդվելով մարդու իրավունքների համընդհանրության կարևորագույն...
Հայաստանի ԱԳՆ հայտարարությունը Բաքվում հակահայկական ջարդերի 32-րդ տարելիցի կապակցությամբ
Այսօր մենք գլուխ ենք խոնարհում Բաքվում տեղի ունեցած հակահայկական ջարդերի անմեղ զոհերի հիշատակին և վերահաստատում ենք Հայաստանի, Արցախի և ողջ…