2017թ. ընթացքում ոստիկանության մարմինների կողմից ձեռնարկված միջոցառումների արդյունքում հաշվետու ժամանակահատվածում առգրավվել եւ բացատրական աշխատանքների շնորհիվ կամավոր հանձնվել է 673 (2016-ին՝ 596) միավոր հրազեն եւ 40 միավոր գազային ու օդամղիչ ատրճանակ, 89.314 (87.628) հատ տարբեր տրամաչափի փամփուշտ եւ տարբեր քանակության այլ զինամթերք ու սառը զենք: Այդ մասին նշվում է ոստիկանության հաշվետվության մեջ։