News
Լրահոս
News
Երեքշաբթի
Մարտ 19
Տեսնել լրահոսը


Երեւանի ավագանու նիստում այսօր՝ փետրվարի 13-ին, տեղի ունեցած միջադեպից հետո «Երկիր Ծիրանի» խմբակցության ղեկավար Զարուհի Փոստանջյանը հանդես եկավ ելույթով՝ նշելով, որ իշխանությանն այսուհետ միշտ ուղեկցելու է Նուբարաշենի գարշահոգությունը:

Նա, մասնավորապես, նշել է.

«Որպես քաղաքական ուժ մենք համոզված ենք, որ այս պահին պետք է դադարեցնել ապրել գարշահոտության մեջ, իսկ այդ գարշահոտությունն ունի 25-ամյա բռնակալական վաղեմություն եւ այդ գարշահոտությունը պետք է զգաք նաեւ դուք:

Անկախ նրանից, որ կարող եք դեկտեմբերի 29-ին այստեղ խնջույք հրավիրել, մեր հաշվին կոնյակ խմել, թանկարժեք օծանելիքի բուրմունքը չէ, որ պիտի ձեզ միայն ուղեկցի, այլ պետք է ուղեկցի այն գարշահոտը, որի մեջ մեր պետականությունն եք գցել: Մենք երկու մայրաքաղաք ունենք՝ Երեւանն ու Ստեփանակերտը եւ ոչ ոք չի կարող մեր սիրելի քաղաքի նկատմամբ ոտնձգություն անել: Ուրեմն հիշեք, այդ գարշահոտությունն այլեւս ուղեկցելու է ձեզ բոլոր այն վայրերում, որտեղ դուք գտնվելու եք, նույնիսկ թանկարժեք օծանելիքն ու կոնյակը ձեզ չեն օգնելու:

Դուք մի պահ այդ հոտն զգացիք ու իրարանցում տեղի ունեցավ, նույնիսկ հարձակվեցիք տիկին Խաչատրյանի վրա եւ այստեղ նստած պարոնը եւս հարձակում գործեց (նկատի ունի Տարոն Մարգարյանին-խմբ): Վախեցաք, որ գարշահոտությունից խեղդվելո՞ւ եք: Ասեմ, որ գարշահոտությունից չեն խեղդվում, բայց պետք է թունավորվեք, ձեր կյանքը թունավորելու ենք, ձեզ փոխարինելու ենք, Նուբարաշենի արտաթորանքը որ կա, այնտեղ եք լինելու, ձեր տեղն այնտեղ է, պետք է փոխատեղում տեղի ունենա, բոլոր հերոսները պետք է ազատ արձակվեն եւ ձեզ պետք է տեղափոխենք, մենք ձեր նկատմամբ արդար դատավճիռ ենք կայացնելու»:

Ավելի վաղ NEWS.am-ը հայտնել էր, որ Երեւանի ավագանու նիստում, այսօր՝ փետրվարի 13-ին, ծեծկռտուք է տեղի ունեցել: Ամեն ինչ սկսվել է նրանից, որ «Երկիր Ծիրանի» խմբակցության անդամները դիմակներ էին հագել եւ փորձում էին իրենց հետ Նուբարաշենից ապակե տարաներով բերված գարշահոոտություն արձակող կոյուղաջուրը մոտեցնել քաղաքապետ Տարոն Մարգարյանին: Ավագանու ՀՀԿ-ական անդամները փորձել են արգելել նրանց, որից հետո քաշքշուկ է սկսվել: ՀՀԿ-ականները հարվածներ են հասցրել «Երկիր Ծիրանիի» անդամ Մարինա Խաչատրյանին: 

Հիշեցնենք, որ Նուբարաշենի բնակիչները փետրվարի 12-ին փակել էին «Նուբարաշեն» ՔԿ տանող ճանապարհը. նրանց խոսքով, հարակից տարածում ապրողները տարիներ շարունակ գարշահոտության մեջ են ապրում, շնչում թունավոր օդը:

Հասարակական կարգը հաջողվում է ապահովել փողոցում, բայց չի հաջողվում ավագանու նիստերի դահլիճում. Դավիթ Խաժակյան

Երեւանի ավագանու անդամ Մարտին Վարդազարյանի ինքնազգացողությունը վատացել է, նրան հիվանդանոց են տեղափոխել

 «Ազոտային թթուն ուզում էին լցնել Տարոն Մարգարյանի վրա, սա հարձակում էր քաղաքապետի վրա».Նաիրա Նահապետյան (Ֆոտո)

Ծեծկռտուք Երեւանի ավագանու նիստի ժամանակ՝ «Երկիր Ծիրանիի» եւ ՀՀԿ-ականների միջեւ (Ֆոտո)

Դերասան Գոռ Վարդանյանը բռնի ուժով դուրս բերեց Մարինա Խաչատրյանին. Նա իր քայլերը «ճիշտ» որակեց (ֆոտո)

«Սա ի՞նչ ձեւ է, ինչ ուզում եք ասեք, չեմ հասկանում». Անահիտ Բախշյանը՝ «Երկիր ծիրանիի» անդամներին

Տպել
Ամենաշատ