Խոսակցություններ են պտտվում, որ, հնարավոր է, իսրայելական F-16 կործանիչը խոցված լինի խորհրդային արտադրության Ս-125 կամ էլ Ս-200 հակաօդային պաշտպանության համակարգերի կողմից, սակայն հստակ տվյալներ չկան. Այս մասին NEWS.am-ի թղթակցի հետ զրույցում հայտնել է Քաղաքական եւ ռազմական վերլուծությունների ինստիտուտի փոխտնօրեն Ալեքսանդր Խրամչիխինը:
Սակայն փորձագետը չի բացառել, որ ինքնաթիռը կարող է խոցված լինել 9К37 զենիթահրթիռային «Բուկ» համալրի կողմից կամ նույնիսկ ավեկի ժամանակակիրց Ս-300-ի կողմից. . «Չէ՞ որ հստակ հայտնի չէ եւ սիրիական կողմից չկան պաշտոնական տվյալներ, թե որ հակաօդային պաշտպանության համակարգի կողմից է խոցվեփլ կործանիչը»,- պարզաբանել է Խրամչիխինը:
Միաժամանակ, փորձագետը նշել է, Սիրիան հակաօդային պաշտպանության համակարգեր է ստացել մինչեւ ռազմական գործողություննները եւ դրանք այն միակ զենքներն էին, որ Սիրիան Ռուսաստանից գնել է ԽՍՀՄ փլուզումից հետո: Ալեքսանդր Խրամչիխինի նաեւ նկատեց, որ «Իսլամական պետություն» խմբավորման ահաբեկիչների դեմ պայքարից հետո Սիրիան ակտիվորեն սկսեց իր զինված ուժերի զինումը ժամանակակից ռոզմական տեխնիկա ձեռք բերելու հաշվին, հիմնականում ռուսական արտադրության:
Փորձագետը չի բացառել Սիրիայի եւ Իսրայելի հարաբերություններում հետագա լարվածությունը սիրիական հակաօդային պաշտպանության համակարգերի կողմից իսրայելական F-16 կործանիչի կործանումից հետո, եթե Իսրայելը որոշի գնալ առանց այդ էլ լարված իրավիճակի հետագա սրացմանը հերթական սադրանքի միջոցով:
Հիշեցնենք, որ փետրվարի 10-ին իսրայելական զինվորականները խոցել են իրանական անօդաչու թռչող սարք:
