Միջազգային հանրության կողմից խիստ ճնշման ներքո Պակիստանի իշխանությունները նախաձեռնել են արմատական հոգեւորական Հաֆիզ Մուհամմադ Սաիդի հետ կապված բարեգործական իսլամական կազմակերպությունների ակտիվների սառեցման գործընթացը, փոխանցում է AP-ն:
Անցյալ տարվա նոյեմբերին Պակիստանի դատարանը ազատ էր արձակել Սաիդին, ով մեղադրվում էր Մումբայում ահաբեկչական հարձակումներ կազմակերպելու համար, որոնց հետեւանքով 166 մարդ էր զոհվել:
Սաիդը Լաշքարե Թաիբ խմբավորման հիմնադիրն է: ԱՄՆ իշխանությունները վերջինիս ձերբակալության համար 10 միլիոն դոլար պարգեւատրում են առաջարկել: Նրա ազատ արձակումը Վաշինգտոնի եւ Դելիի կողմիվ կտրուկ քննադատության առիթ դարձավ Իսլամաբադի հասցեին:
Պակիստանի ներքին գործերի նախարարությունը փետրվարի 14-ին հայտարարություն է տարածել՝ պահանջելով իշխանություններից անհապաղ սառեցնեն Ջամաաթ ութ Դավա կազմակերպության եւ Ֆալահ ի Ինզանիաթ հիմնադրամի ակտիվները. երկուսն էլ կապված են Սաիդի հետ:
