Արդեն մեկ տարի է Հայաստանի եւ Իսրայելի միջեւ գործում են ուղիղ ավիաչվերթներ, ինչը նպաստելու է երկու երկրներում տուրիզմի զարգացմանը։ Այս մասին փետրվարի 16-ին Հայաստան-Իսրայել բարեկամության խորհրդարանական խմբի անդամների մամուլի ասուլիսի ժամանակ ասաց հայկական պատվիրակության անդամ, «Ելք» խմբակցության պատգամավոր Գեւորգ Գորգիսյանը։
Նրա խոսքով՝ մայիսին Հայաստանում սպասվում է նոր ավիափոխադրող՝ ի դեմս իսրայելական ընկերության. «Բացի այդ, Հայաստանը Իսրայելի քաղաքացիների համար պարզեցրել է վիզաների ստացմանբ գործընթացը, որը տրվում է ուղղակիորեն Երեւանի «Զվարթնոց» օդանավակայանում»,- նկատեց գորգիսյանը։
Դրա հետ մեկտեղ, պատվիրակության անդամը նշեց, որ ինքը բարձրացրել է Հայաստանի քաղաքացիների համար իսրայելական վիզայի ստացման գործընթացի պարզեցման հարցը, քանի որ վերջիններս Իսրայել ստիպված են մեկնել Վրաստանի միջոցով։ Նա նաեւ հացաստիացրեց, որ այս տարի Հայաստան սպասվում է զբոսաշրջիկների հոսք Իսրայելից, որը կարող է հասնել մինչեւ 10 հազարի։ Այցի ընթացքում քննարկվել են նաեւ բարձրագույն տեխնոլոգիաների շուրջ հարցեր, ինչպես նաեւ այդ ոլորտում հնարավոր համագործակցությունը երկու երկրների միջեւ։
Նշենք, որ Իսրայել մեկնած հայկական պատվիրակությունը գլխավորում էր հանրապետական կուսակցության պատգամավոր Գագիկ Մինասյանը։ Պատվիրակության կազմում ներառված էին նաեւ ընդդիմության ներկայացուցիչներ՝ «Ծառուկյան» խմբակցության պատգամավոր Վահե Էնֆիաջյանը եւ «Ելք» խմբակցության պատգամավոր Գեւորգ Գորգիսյանը։