Սաուդյան Արաբիայի օլիմպիական կոմիտեի ղեկավար Թուրքի բեն Աբդելմուխսին Ալ Շեյխը Բոուլինգի համաշխարհային կենտրոնի ղեկավարի հետ ստորագրել է համաձայնագիր թագավորությունում առաջին երեք բոուլինգ եւ բիլիարդ ակումբներ բացելու մասին, փոխանցում է «ՌԻԱ Նովոստի»–ն։
Գործակալության տվյալներով՝ ակումբները կբացվեն թագավորության երեք քաղաքներում՝ Էր Ռիադում, Ջիդդեում եւ Էդ Դամամում։ Պայմանագիրը նաեւ ներառում է դրիֆթի համար հատուկ տեղ հատկացնելու եւ այլ մարզական նախագծեր, որի մասին ավելի ուշ կհաղորդվի։
Ինչպես հաղորդում է գործակալությունը, այդ համաձայնագիրը ստորագրվել է թագավորությունում ժամանցային ոլորտի զարգացման ծրագրի շրջանակներում: