Boston Dynamics ռոբոտաշինական ընկերությունը, որը վերջերս Alphabet Inc.-ի կողմից վաճառվել էր SoftBank ճապոնական տեխնոլոգիական հոլդինգին, շարունակում է մարդու եւ գիտակից մեքենաների միջեւ ապագա կոնֆլիկտի սերմեր ցանել: Հրապարակված հերթական տեսանյութը ներկայացնում է, թե ինչպես է ռոբոտը փորձում լուծել դրված խնդիրը, իսկ մարդը նրան խանգարում է, փոխանցում է «Վեստի»-ն:
Տեսանյութում մարդը հրում է SpotMini ռոբոտին ավտոմեքենայի դռան բռնակից, որը սարքը փորձում է բացել: Թույլ տալով ռոբոտին կիսով չափ բացել դուռը՝ մարդը փորձում է այն պահել այդ դիրքում, իսկ հետո «պոչից» հետ է պահում ռոբոտ շանը: Ընթացքում շնից պոկվում է ծածկույթի մի մասը, սակայն արդյունքում մեքենային թույլ են տալիս իրականացնել դրված խնդիրը եւ, բացելով դուռը, մտնել ավտոմեքենայի մեջ:
Տեսանյութին կից մեկնաբանության մեջ նշվում է, որ ցուցադրվել է SpotMini-ի՝ խոչընդոտներին հարմարվելու ունակությունը, թե ինչպես է այն բացում է դուռը եւ ներս մտնում: Մինչ տեսանյութում ցուցադրվող իրադարձությունները մարդը ռոբոտին մոտեցրել է դռանը, ցույց է տվել դռան բռնակը եւ առաջ գնալու հրաման է տվել: Նույն հրամանը կրկին տալիս են տեսահոլովակի 42-րդ վայրկյանին: