ԱՄՆ նախագահ Դոնալդ Թրամփը չի ցանկանում արգելել բոլոր տեսակի հրազենների վաճառքը: Այս մասին հայտարարել է Սպիտակ տան ներկայացուցիչ Ռաջ Շահը, հաղորդում է Reuters-ը:
«Մենք չենք կարծում, որ անհապաղ արձագանքը բոլոր տեսակի հրազենների արգելումը պետք է լինի», - ասել է Ռաջ Շահը: «Մենք ցանկանում ենք գտնել այնպիսի լուծում, որը բոլորի համար չի արգելում զենքը, այլ արգելում է բոլոր տեսակի զենքերը միայն որոշ անձանց համար, որոնք համարվում են հասարակական անվտանգության սպառնալիք»:
Նշենք, որ Ֆլորիդայի դպրոցում կրակոցներից հետո, որի հետեւանքով 17 մարդ էր զոհվել, զենք կրելու սահմանափակման կամ արգելման անհրաժեշտության հարցը կրկին ակտիվացավ ԱՄՆ-ում:
