Շենքների 70 տոկոսը չի համապատասխանում սեյսմիկության ժամանակակից նորմերին։ Այս մասին, այսօր՝ փետրվարի 23-ին, լրագրողների հետ հանդիպման ժամանակ նշեց Քաղաքաշինության պետական կոմիտեի նախագահ Նարեկ Սարգսյանը:
Նրա խոսքով, բնակարանային ընդհանուր ֆոնդի ամրապնդումը եւ վերակառուցումը պետության համար չափազանց մեծ ֆինանսական բեռ կդառնա. «2017 թ. կառավարությունը ընդունեց սեյսմիկ անվտանգության միասնական ռազմավարություն, ըստ որի՝ երկարաժամկետ եւ միջնաժամկետ միջոցառումներ կձեռնարկվեն շենքերի սեյսմակայունության բարձրացման ուղղությամբ»: