Ազգային ժողովի «Ծառուկյան» խմբակցության պատգամավոր, ԱԺ փոխխոսնակ Միքայել Մելքումյանը վստահեցնում է, որ իրենց խմբակցությունը միաձայն կողմ է քվեարկել Արմեն Սարգսյանի թեկնածությանը:
Հիշեցնենք, որ «Ելք»-ից բացի առնվազն եւս երեք պատգամավոր դեմ է քվեարկել նախագահի թեկնածուին, թեեւ ՀՀԿ, ՀՅԴ եւ «Ծառուկյան» խմբակցություններում միաձայն քվեարկելու որոշում է եղել: ՀՀԿ խմբակցության ղեկավար Վահրամ Բաղդասարյանը նույնպես վստահեցնում է, որ ՀՀԿ-ՀՅԴ կոալիցիայից չէ 3 դեմը:
«Մենք էլ կասկած չունենք, որ մեր որոշումը իրականացրել ենք»,- NEWS.am-ի հետ զրույցում ասաց Մե,քումյանը:
Մեր հարցին՝ խմբակցության ղեկավար Գագիկ Ծառուկյանն ինչու չի մասնակցել քվեարկությանը, Մելքումյանն անպատասխան թողեց:
Հիշեցնենք, որ մարտի 2-ին Հայաստանի 4-րդ նախագահ է ընտրվել Արմեն Սարգսյանը: