Asymco վերլուծական ընկերության փորձագետները պարզել են, որ Apple-ի սարքերի օգտագործման միջին ժամկետը կազմում է 4 տարուց փոքր-ինչ ավելի: Այս մասին հայտնում է Business Insider-ը:

Հաշվարկների համար օգտագործվել է հրապարակային տեղեկատվությունը, որը տրամադրել է Apple կորպորացիան, որի համաձայն՝ ներկայումս ընկերությունն ամբողջ աշխարհում վաճառել է 2,05 մլրդ սմարթֆոն եւ համակարգիչ: Ըստ որում՝ 750 մլն սարք այլեւս չի օգտագործվում:

Հետազոտության մեջ նշվում է, որ վաճառված սարքերի նման քանակություն է գրանցվել 2013 թվականի երրորդ եռամսյակում, որից մեզ բաժանում է 4 տարի 3 ամիս: Փորձագետների կարծիքով՝ սա ընկերության արտադրանքի օգտագործման միջին ժամկետն է:

Նշվում է, որ iPhone-ի եւ Mac-ի օգտատերերը կցանկանային իրենց սարքերն ավելի երկար ժամանակով օգտագործել: Այսպես՝ 2008 թվականին այս ցուցանիշը 1,5 տարին չի գերազանցել:

Ավել վաղ հաղորդվել էր, որ Apple-ը մտադիր է 2018-ի վերջին iPhone-ի 3 նոր մոդել թողարկել: