News
Լրահոս
News
Շաբաթ
Դեկտեմբեր 15
Տեսնել լրահոսը

ՀՀ քննչական կոմիտեի Երեւան քաղաքի քննչական վարչությունում հարուցվել է քրեական գործ՝ մարտի 10-ին Երեւանում հետիոտն Մարիա Գրիգորյանին վրաերթի ենթարկելու դեպքի առթիվ, ձեռնարկվում են անհրաժեշտ քննչական գործողություններ՝ դեպքի բոլոր հանգամանքները պարզելու ուղղությամբ։

Նախնական տվյալներով՝ 2018թ. մարտի 10-ին՝ ժամը 21:15-ի սահմաններում, Երեւան քաղաքի Վազգեն Սարգսյան փողոցում՝ Կենտրոնական բանկի դիմաց, «Մերսեդես-Բենց» մակնիշի 999 DO 99 հ/հ ավտոմեքենան  վրաերթի է ենթարկել հետիոտն Մարիա  Գրիգորյանին (ծնվ. 1943թ), որի հետեւանքով ստացած մարմնական վնասվածքներից վերջինս մահացել է։ Ավտոմեքենայի վարորդը, թողնելով դեպքի վայրը, հեռացել է:

Դեպքի առթիվ ՀՀ ՔԿ Երեւան քաղաքի քննչական վարչությունում հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասով եւ 244-րդ հոդվածով:

11.03.2018թ.՝ ժամը 01:00-ին, ՀՀ ոստիկանության Մալաթիայի բաժին է ներկայացել մի քաղաքացի եւ հայտնել, թե վրաերթը կատարել է ինքը: Նույն օրը վերջինս ձերբակալվել է։

Ձեռնարկվում են անհրաժեշտ քննչական գործողություններ՝ քաղաքացու հայտնած տվյալներն ստուգելու, դեպքի բոլոր հանգամանքները, օբյեկտիվ իրականությունը պարզելու ուղղությամբ։

Ավելի վաղ NEWS.am-ը հայտնել էր, որ մարտի 10-ին՝ ժամը 21:04-ին, Վ. Սարգսյան փողոցում գտնվող Կենտրոնական բանկի մոտակայքում տեղի է ունեցել վրաերթ, որի հետեւանքով 75-ամյա Մարիա Գ.-ն է մահացել է։ Վրաերթը կատարվել է «Mercedes G 63» մակնիշի 999 DO 99 համարանիշի ավտոմեքենայով։ Վրաերթի ենթարկվածը մի քանի մետր շպրտվել եւ հայտնվել էր ճանապարհի թույլատրելի հատվածում կայանված «Toyota Camry» մակնիշի ավտոմեքենայի տակ եւ տեղում մահացել: «Mercedes»-ի վարորդը վրաերթի ենթարկվածին թողնելով անօգնական, դիմել էր փախուստի: Ոստիկանները նրա ավտոմեքենայում հայտնաբերել էին «Մակարով» տեսակի ատրճանակ, ինչպես նաեւ 26-ամյա Ժորա Վ.-ի անվամբ վարորդական իրավունքի վկայական:

Մարտի 10-ի երեկոյան 42-ամյա Լեւոն Ա.-ն ներկայացել է Ոստիկանության Մալաթիայի բաժին եւ հայտնել, որ ինքն է Mercedes G63 մակնիշի 999 DO 99 համարանիշի ավտոմեքենայով վրաերթի ենթարկել հետիոտնին: Նա ձերբակալվել է:

Սակայն, ըստ Shamshyan.com-ի տեղեկությունների, իրավապահները պարզել են, որ ավտոմեքենայում հայտնաբերված «Մակարով» տեսակի ատրճանակը հաշվառված է 26-ամյա Ժորա Վ.-ի անվամբ, ով կաթնամթերքի «Մարիաննա» ընկերության սեփականատեր Տիգրան Վարդանյանի տղան է եւ դատավոր Գագիկ Խանդանյանի փեսան, ավտոմեքենան էլ հաշվառված է Մարիաննա» ընկերության հաշվեկշռում: Ոստիկաններն ու քննիչները ունեն կասկածներ, որ իրական վարորդը ներկայացած Լեւոն Ա.-ն չի եղել: Նա պարզապես իր վրա է վերցնում կատարվածի պատասխանատվությունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նյուրնբերգում անհայտ անձը հարձակվել է երեք կանանց վրա. ոստիկանությունը պարզում է դրդապատճառները
«Երեք առանձին հանցագործություններ, որոնք կատարման եղանակով նման են հարձակումների շարքի», -ասել է իրավապահ մարմինների ներկայացուցիչը...
Աֆղանստանում զինյալները հարձակվել են թաղման թափորի վրա․ կան զոհեր
Այս պահի դրությամբ որեւէ շարժում կատարվածի պատասխանատվությունն իր վրա չի վերցրել․․․
Ընկերությունը ՊՆ–ի հետ կնքել է 3 պայմանագիր, ստացել 120 մլն դրամ, բայց պարտավորությունը չի կատարել
Պարտավորությունները չկատարելու դեպքերի առթիվ հարուցվել են քրեական գործեր, պարզվել են նոր հանգամանքներ...
Բավարարվել է սպանության փորձի մեջ մեղադրվողի արդարացման վճռի դեմ դատախազների վերաքննիչ բողոքը
Տեղի ունեցած վիճաբանությունից հետո Ս. Մ.-ն փորձել է հանդիպել Դ. Հ.-ին՝ իրեն ապտակելու համար պարզաբանում ստանալու նպատակով…
Ի՞նչ փոխվեց 4 ամսվա ընթացքում, ես չգիտեմ. Արմեն Գեւորգյան
Երեկ արված հայտարարությունում ես ներկայացրել եմ իմ անցած ճանապարհը...
Դատարանը որոշեց չկալանավորել Արմեն Գևորգյանին
Դեկտեմբերի 12–ին հայտնի դարձավ, որ նախկին պաշտոնյային նոր մեղադրանք է առաջադրվել...
Partner news