Ամերիկյան դատարանը 25 տարվա ազատազրկման է դատապարտել իրանական եւ ամերիկյան քաղաքացիություն ունեցող քաղաքացուն, որը փորձել է օգնել Իրանի կառավարությանը զենիթային հրթիռներ եւ ինքնաթիռի մասեր ձեռք բերելու հարցում։ Այս մասին հաղորդել են Նյու Յորքի դատախազության հայտարարությունում։
Հայտարարության մեջ նշվում է, որ անձը Ռեզա Օլանյանն է։ Նա 1999 թվականին ստացել է ամերիկյան քաղաքացիություն, ձերբակալվել է Էստոնիայում 2012 թվականի հոկտեմբերին, ապա արտահանձնվել է ԱՄՆ։ Դատախազության փոխանցմամբ, նա 2012 թվականին Ուկրաինայի տարածքում հանդիպել է ԱՄՆ–ում թմրանյութերի մասին օրենքների կիրառման վերահսկողության վարչության ներկայացուցչի հետ՝ ներկայանալով, որպես զենքի վաճառքով զբաղվող անձ Ռուսաստանից, որ գործարք կնքի զենիթային հրթիռների եւ ռազմական ինքնաթիռների մասերի շուրջ։
Ինչպես վկայում է դատախազության տրամադրության տակ հայտնված Օլանյանի էլեկտրոնային նամակագրությունը, նա նկարագրում է իր ծրագրերը, որտեղ նշում է, որ նպատակ ունի ձեռք բերված զենքը տեղափոխել Իրան, Աֆղանստան եւ հարեւան երկրներ: Ընդհանուր առմամբ, նա մտադիր էր Իրան հասցնել առնվազն 200 հրթիռ: 2016 թ. նոյեմբերին դատարանը նրան մեղավոր է ճանաչել:
