Մի մարդ մահացել է ու եւս մեկը վիրավորվել ամերիկյան Ալաբամա նահանգի Բիրմինգեմ քաղաքի հիվանդանոցում տեղի ունեցած հրաձգության հետեւանքով։ Հրաձիգն ինքնասպան է եղել , հայտնում է ՌԻԱ Նովոստին։

Միջադեպը տեղի  է ունեցել չորեքշաբթի երեկոյան UAB Hospital Highlands հիվանդանոցի տարածքում։ Անհայտ զինված տղամարդը մտել է բուժհաստատություն ու կրակ բացել երկու մարդկանց վրա, որից հետո ինքնասպան է եղել։

Տուժածներին հոսպիտալացրել են։ Ավելի ուշ նրանցից մեկը ստացած վիրավորումներից մահացել է։ Երկրորդ տուժածի վիճակը գնահատվում է որպես կայուն։

Հրաձգի ու նրա զոհերի ինքնությունը դեռ պարզված չէ։ Ոստիկանությունը պարզում է տեղի ունեցածի պատճառները։