«Լուսավոր Հայաստան» կուսակցության նախագահ, ՀՀ ԱԺ «Ելք» խմբակցության պատգամավոր Էդմոն Մարուքյանը մարտի 14-ին, ելույթ է ունեցել Վաշինգտոնի «Կարնեգի» հիմնադրամում (The Carnegie Endowment for International for Peace) Հայաստանի ներքաղաքական զարգացումների, արտաքին քաղաքականության, Լեռնային Ղարաբաղի հակամարտության եւ հայ-թուրքական հարաբերությունների մասին։

«Լուսավոր Հայաստան»-ից NEWS.am_ին հայտնում են, որ Էդմոնը Մարուքյանը ներկայացրած թեմայի վերաբերյալ պատասխանել է նաեւ լսարանի բազմաթիվ հարցերին, այդ թվում՝ խոսել Լեռնային Ղարաբաղի հիմնախնդրի լուծման վերաբերյալ «Ելք» դաշինքի ծրագրային դրույթների եւ տեսլականի մասին։

Նշենք, որ «Կարնեգի» հիմնադրամը ստեղծվել է 1910 թվականին եւ համարվում է Վաշինգտոնի ամենահեղինակավոր հաստատությունը քաղաքական հետազոտությունների եւ վերլուծության բնագավառում, ինչպես նաեւ նպաստում է աշխարհում խաղաղության պահպանմանը։