ՀՀ սոցիալական ապահովության պետական ծառայությունը 2017 թվականին բացահայտել է 5139 տարվա կեղծված աշխատանքային ստաժ, որի համար կենսաթոշակների ընդհանուր գումարը կազմել է 54 մլն դրամ 690 մարդու համար: Այս մասին մարտի 16-ին՝ լրագրողների հետ զրույցում հայտարարել է ՀՀ աշխատանքի եւ սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը։
Նրա խոսքով, այդ քաղաքացիների աշխատանքային ստաժը հիմնված է եղել կեղծ եւ չհիմնավորված փաստաթղթերի վրա. «Սոցիալական ապահովության պետական ծառայության առաջնային խնդիրն է բացառել կենսաթոշակների տրամադրումը կեղծ փաստաթղթերի հիման վրա»,–նշել է նա։