Ռուսաստանը պերսոնա նոն գրատա է հայտարարել Մեծ Բրիտանիայի դեսպանատան 23 դիվանագիտական աշխատակիցներին։ Այս մասին հայտնում է ՌԴ ԱԳՆ-ն։

Նաեւ Ռուսաստանում «չկարգավորված կարգավիճակի» կապակցությամբ դադարեցվում է Բրիտանական խորհրդի գործունեությունը , որը ներկայացնում է Մեծ Բրիտանիան այլ երկրներում՝ մշակույթի ու կրթության բնագավառում։

Սանկտ Պետերբուրգում Մեծ Բրիտանիայի հյուպատոսության բացման համաձայնությունն էլ հետ է կանչվում։

Այս որոշումը կայացվել է ու Սոլսբերիում տեղի ունեցածի կապակցությամբ բրիտանական կողմի սադրիչ գործողություններին և ՌԴ-ի հասցեին չապացուցված մեղադրանքներին ի պատասխան։Համապատասխան նոտան փոխանցվել է բրիտանական դեսպան Լորի Բրիստոուին, որին մարտի 17-ին կանչել էին ԱԳՆ։ 

Անգլիական Սոլսբերի քաղաքում նախկին լրտես Սերգեյ Սկիպալի ու նրա դստեր՝ Յուլիայի վրա մահափորձից հետո Մեծ Բրիտանիան  հայտնել էր երկրից 23 ռուսաստանցի դիվանագետների արտաքսման ու Ռուսաստանի հետ շփումները բարձր մակարդակի վրա դադարեցնելու մասին ։ Մեծ Բրիտանիայի իշխանությունները հայտնել են, որ Ռուսաստանին են պատասխանատու համարում մահափորձի համար։