Հայաստանի ԱԺ-ում ընթանում է հերթական նիստերը: Նախօրեին տեղի է ունեցել ԱԺ խորհրդի նիստը, որը հաստատել է Ազգային ժողովի վեցերորդ գումարման երրորդ նստաշրջանի օրակարգում լրացումներ կատարելու մասին եւ վեցերորդ գումարման երրորդ նստաշրջանի` մարտի 20-ին գումարվող հերթական նիստերի օրակարգի նախագծերը: Սահմանվել են հերթական նիստերի օրակարգային հարցերի քննարկման հաջորդականությունը եւ տեւողությունը:
Ազգային ժողովի վեցերորդ գումարման երրորդ նստաշրջանի օրակարգում լրացումներ կատարելու մասին նախագծում ընդգրկվել է 9, մարտի 20-ին գումարվող հերթական նիստերի օրակարգի նախագծում՝ 25 հարց:
Նշենք, որ այսօր մեկնարկող ԱԺ նիստերի օրակարգում են, մասնավորապես, Սահմանադրական դատարանի նախագահի ընտրությունն ու «Մարտի 1»-ի իրադարձությունների վերաբերյալ հայտարարությունը:
Նշենք, որ ԱԺ նախագահ Արա Բաբլոյանը ՍԴ նախագահի թեկնածու է առաջադրել Հրայր Թովմասյանի թեկնածությունը: