Ֆրանսիայի ոստիկանությունը կալանավորել է երկրի նախկին նախագահ Նիկոլա Սարկոզիին՝ 2007 թվականին նրա քարոզարշավի անօրինական ֆինանսավորման գործի հետաքննության շրջանակում: Այս մասին հաղորդել է Reuters-ը՝ վկայակոչելով հետաքննությանը մոտ կանգնած իր աղբյուրները։

Միաժամանակ, Le Monde-ը նշել է, որ քաղաքական գործիչը կալանքի տակ է պահվում Նանտերի դատական ոստիկանությունում, որտեղ նրան կանչել են Լիբիայի կողմից 2007 թվականին նրա նախագահական քարոզարշավի հնարավոր ֆինանսավորման գործի քննության շրջանակում, հաղորդում է ՏԱՍՍ-ը։