Ալիեւի սադրիչ հայտարարությունները սոսկ տեղեկատվական-հոգեբանական ճնշման փորձ են: Մարտի 20-ին լրագրողների հետ հանդիպման ժամանակ այսպիսի կարծիք հայտնեց «Նորավանք» գիտահետազոտական կենտրոնի տնօրեն Գագիկ Հարությունյանը:
Նրա խոսքով՝ տեղեկատվական ներգործության նման ձեւը հատուկ է նաեւ Թուրքիայի ղեկավարությանը: «Եվ Ադրբեջանը հետեւում է ավագ եղբոր օրինակին»,- նշեց փորձագետը:
Հիշեցնենք, որ Իլհամ Ալիեւը «Ենի Ազերբայջան» կուսակցության համագումարում Հայաստանի նկատմամբ հերթական տարածքային հավակնություններ էր արտահայտել: Մարտի 19-ին Նովրուզը նշելիս նա կրկնել է Երեւանի եւ Հայաստանի տարածքի նկատմամբ հավանությունները: