Միացյալ Նահանգների նախագահ Դոնալդ Թրամփը հայտարարել է, որ մտադիր է վետո դնել Կոնգրեսի կողմից ընդունված դաշնային գերատեսչությունների ֆինանսավորման նախագծի վրա՝ դեմոկրատների հետ միգրանտների վերաբերյալ եւ պատի կառուցման շուրջ տարաձայնությունների պատճառով: Այս մասին նա գրել է թվիթերյան իր էջին, փոխանցում է «Գազետա»-ն:
«Ես դիտարկում եմ բյուջեի նախագծի վրա վետո դնելու հնարավորությունը՝ հիմնվելով այն բանի վրա, որ DACA ծրագրի (ապօրինի միգրանտների երեխաների արտաքսման հետաձգման. Gazeta.ru) 800 հազար մասնակից լքվել է դեմոկրատների կողմից, եւ սահմանի պատը, որը խիստ անհրաժեշտ է մեր ազգային պաշտպանության համար, լիովին ֆինանսավորված չէ»,- նշել է Թրամփը:
