Ֆրանսիայի եւ ԱՄՆ-ի նախագահներ Էմանուել Մակրոնն ու Դոնալդ Թրամփը պայմանավորվել են միջազգային կոալիցիայի շրջանակում մինչեւ վերջ շարունակել պայքարը «Իսլամական պետության» դեմ, հաղորդում է «ՌԻԱ Նովոստին»:
Փաստաթղթում նշվում է, որ Մակրոնն ու Թրամփը հեռախոսազրույցի ժամանակ քննարկել են Իրաքում եւ Սիրիայում «Իսլամական պետության» դեմ պայքարի համատեղ ջանքերը:
«Ֆրանսիան եւ ԱՄՆ-ն համաձայնել են միջազգային կոալիցիայի շրջանակում շարունակել իրենց գործողությունները ահաբեկչական կազմակերպությունը վերացնելու համար, որը տարածաշրջանում կայունության, ինչպես նաեւ մեր անվտանգության շահերի համար սպառնալիք է », - ասվում է հաղորդագրության մեջ:
Բացի այդ, զրույցի ընթացքում քննարկել է Մակրոնի այցը Վաշինգթոն, որը պետք է տեղի ունենա ապրիլի 23-25-ը: