Սիրիական Դումայում ենթադրվող քիմիական հարձակման համար մեղավորները պետք է պատասխանատվության ենթարկվեն: Այս մասին Sky News-ի եթերում հայտարարել է Մեծ Բրիտանիայի վարչապետ Թերեզա Մեյը, փոխանցում է ՏԱՍՍ-ը:
«Հարձակումը, որն իրագործվել է Դումայում, բարարոսական հարձակում է: Մենք աշխատում ենք մեր դաշնակիցների եւ գործընկերների հետ՝ պարզելու համար, թե այնտեղ ինչ է տեղի ունեցել: Մենք կարծում ենք, որ մեղավոները պետք է պատասխանատվության ենթարկվեն»,- ասել է նա:
Մեյը հայտնել է, որ Սիրիայում իրավիճակը քնարկել է Ֆրանսիայի նախագահ Էմանուել Մակրոնի հետ, իսկ այսօր հեռախոսազրույց կունենա նաեւ ԱՄՆ նախագահ Դոնալդ Թրամփի հետ: Բրիտանիայի վարչապետը խուսափել է պատասխանել հարցին՝ Մեծ Բրիտանիան արդյոք կմիանա Սիրիայի կառավարական ուժերի դեմ հնարավոր ռազմական գործողություններին՝ նշելով, որ երեքշաբթի Ազգային անվտանգության խորհրդի նիստ կանցկացնի:
