ԱՄՆ Կենտրոնական հետախուզական վարչության տնօրեն, պետքարտուղարի թեկնածու Մայք Պոմպեոն հայտարարել է, որ երբեք հանդես չի եկել Հյուսիսային Կորեայում իշխանափոխության օգտին։ Այս մասին նա հայտարարել է Սենատում պետքարտուղարի պաշտոնում իր թեկնածության հաստատման հարցով լսումների ժամանակ, գրում է AP-ն։
Նրա խոսքով՝ ԱՄն վարչակազմը պատասխանատվություն է կրում, որ Հյուսիսային Կորեայի առաջնորդ Կիմ Չեն Ընը չկարողանա ԱՄՆ-ին միջուկային զենքով սպառնալ։ Նա նշել է, որ դիվանագետի դերը առճակատումից խուսափելն է։