Քիմիական զենքի արգելման կազմակերպության փորձագետները մի քանի ժամից Սիրիայում կսկսեն աշխատել: Այս մասին ուրբաթ ՄԱԿ-ի Անվտանգության խորհրդի նիստում ասել է ՄԱԿ-ում Սիրիայի մշտական ներկայացուցիչ Բաշար Ջաֆարին, հաղորդում է ՏԱՍՍ-ը:
«Սիրիայի կառավարությունը ՔԶԱԿ-ից փաստահավաք առաքելություն է հրավիրել Սիրիա այցելելու համար այն վայրը, որտեղ ենթադրաբար կատարվել է միջադեպը», - ասել է նա, - Մենք պատրաստ ենք բոլոր անհրաժեշտ պայմաններն ապահովել այս խմբի թափանցիկ աշխատանքի համար: Մենք ակնկալում ենք, որ այս խումբը մի քանի ժամվա ընթացքում կսկսի աշխատել»:
Բացի այդ, Սիրիան խոստանում է, որ պաշտպանվելու է Բրիտանիայի, ԱՄՆ-ի եւ Ֆրանսիայի կողմից հարձակման դեպքում:
«Այս երեք երկրները՝ Միացյալ Նահանգները, Մեծ Բրիտանիան եւ Ֆրանսիան, եթե կարծում են, որ նրանք կարող են հարձակվել մեզ եւ մեր ինքնիշխանության վրա, ապա մենք այլ տարբերակ չենք ունենա, քան կանոնակարգի 51-րդ հոդվածը կիրառելը, որը մեզ պաշտպանվելու իրավունք է տալիս: Սա սպառնալիք չէ, սա խոստում է: Մենք որեւէ մեկին թույլ չենք տա հարձակվել մեր ինքնիշխանության վրա», - ասել է Ջաֆարին: