![](img/news/04/46/55/default.jpg)
Բրիտանացի երգչուհի եւ Broadcast ռոք-խմբի անդամ Թրիշ Կինենը մահացել է H1N1 գրիպի բարդացումների հետեւանքով։ Շուրջ երկու շաբաթ առաջ Կինենը տեղափոխվել էր հիվանդանոց։
Բժիշկները հայտնել են, որ Կինենը հիվանդացել է անմիջապես այն բանից հետո, երբ Բրիտանիա է վերադարձել Սինգապուրից եւ Ավստրալիայից, ուր գտնվում էր հյուրախաղերով։
Կարծիք կա, որ 42-ամյա երգչուհին խոզի գրիպով վարակվել է հենց այդ շրջագայության ժամանակ։
2010 թվականի նոյեմբերին Առողջապահության համաշխարհային կազմակերպությունում հայտարարել էին, որ այս ձմեռ հնարավոր կլինի խուսափել խոզի գրիպի համաճարակից։ ԱՀԿ ներկայացուցիչները նշել էին նաեւ, որ մեկ տարի առաջ այդ հիվանդությունն իսկապես եղել է եւ հերքել են արհեստականորեն տարածած խուճապի մասին լուրերը։
Broadcast խումբը Բիրմինգհեմում կազմավորվել էր 1995 թվականին։