Հայաստանի ԱԻՆ-ում, այսօր՝ ապրիլի 19-ին, ժամը 00:23-ին ահազանգ է ստացվել, որ հրդեհ է բռնկվել Արարատի մարզի Արգավանդ գյուղում գտնվող կազմակերպություններից մեկի էլեկտրական ենթակայանում:
Դեպքի վայր են մեկնել Ճգնաժամային կառավարման ազգային կենտրոնի արտակարգ իրավիճակների արձագանքման խումբը եւ չորս մարտական հաշվարկ, որոնցից երկուսն անհրաժեշտությունը վերանալու պատճառով վերադարձել են:
Պարզվել է, որ Արմավիրի մարզի Փարաքար համայնքի Մայրաքաղաքային փողոցի թիվ 174 հասցեում գտնվող ընկերության տարածքում այրվել են մեկ հարկանի շինության կախովի առաստաղը (մոտ 70 քմ), կից երեք հարկանի շինության 3-րդ հարկի էլեկտրական ենթակայանը՝ ամբողջությամբ (18 քմ) եւ ջերմահարվել՝ 2-րդ հարկի խոհանոցի կախովի առաստաղը (մոտ 4 քմ):
Հրդեհը մեկուսացվել է ժամը 00:58-ին, մարվել՝ 01:05-ին:
Հրդեհի հետեւանքով տուժածներ չկան:
